من طرف Mosafer Bla 3nwan 19/11/08, 12:53 pmاحلم
يا عم انت حتدفع حاجة من جيبك
الحلم ده على حسابى
غمض عينيك شوية واحلم انك بقيت رئيس البلاد
متقولش ازاى .. مش مهم
زورت الانتخابات ... او قلت للناس انتخبونى احسن ارمى نفسى من فوق البرج فصعبت عليهم قاموا انتخبوك .. او يكون لك واحد صاحبك امريكاوى بتكلمه على الياهوو وقال لاوباما انك ولد مجدع ورجولة وكفاءة وانك من بتوع العولمة والعوالم والنظام العالمى الجديد لنج .. ... فوافق انك تقعد على ... الكرسى
المهم انك بقيت دلوقتى رئيس البلاد
مين قدك يا عم
حتاكل طعمية مقلية بزيت فرنساوى وربنا حيتوب عليك من طعمية عبدة تلوث المقلية بزيت العربيات
وحتتعالج من انيميا الفول .. الفول الجديد بقه يا عم من غير سوس
وابقى قابلنى لو لقيت اى مسمار فى العيش ... حتاكل عيش من ابو الرغيف بربع جنيه ... سخن وطازة وطرى .. تخيل .. طرى مش زى العيش اللى انت كنت بتاكله وانت بتشرب كباية ميه ورا كل لقمة علشان تنزل
لا لا مش العيش ابو شلن ده اللى انت كنت بتجيبه من الفرن وعقبال متوصل بيه البيت يسلجم ويقفع ... وتعاقب عليه دوليا لأنه اصبح من اسلحة الدمار الشامل ... لا انسى الكلام ده خالص
الاوضاع حتتغير خالص ياعم ... دا انت ربنا حيكرمك خالص والله العظيم
طب بص دى ... حتاكل لحمة... طب والله لحمة .. متبرقش اوى كدة ... مش عارف يعنى ايه لحمة
(هم هيقولولك )
وبعدين انته مش كنت بتسمع وانت قاعد على القهوة وحاطط رجل على رجل وصباعك طالع من الجزمة انهم حيستوردوا حاجة كدة من السودان واثيوبيا
آه فاكر
اهى هى دى اللحمة
لا لا مش اللى انته كنت بتاكلها فى العيد ، بتاعت العيد دى اسمها كرشة ... متفضحناش بقه الله يسترك
وحيبقى فيه كنتاكى .. متسألش .. دى فراخ يعنى حتودع عم لطفى الفرارجى اللى كان بيعين لك رجلين الفراخ وانت كنت بتقول له عشان الكلب وكان ساعات يفوت لك حتتين قنصة على حتتين كبدة من بتوع الزباين اللى بيستحموا بصابون اجنبى
وحتشرب السيجارة كلها مرة واحدة .. يعنى مفيش تخميس
وبعدين دى سجاير ستراكى سترايك من بتاعت الست مارى منيب .. جو تانى
طب خد عندك دى كمان .....
في احتمال انك .........
انك...... ...... . . . . . .
تركب عربية
بجد واللة ....مش مصدق .... دة انا مش عايز اقولك انك لو اثبت كفاءة فى الشغلانة دى ممكن العربية دى تبقى بتاعتك كمان ..... واللة ممكن بس انت ادعى
بس لما يخدوك علشان تحلف اليمين
ياعم دا غير يمين الطلاق اللى انته مصدره فى كل حدوتة تحكيها
اصحى معايا الله يكرمك
لما تروح تحلف اليمين اوعى تروح بالبدلة بتاعت جوازك .. انت عارف ... دى بقت مكيفة الهواء من كل ناحية .. العربى جوز ام بطة عنده بدلة اخوه باعتهالو من بلاد بره ابقى استلفها منه وإقضى مصلحتك وبعدين رجعهاله ... ماهى الجيران لبعضها امال ايه
و و انت رايح معلش تعالى على نفسك و حاول تركب ميكروباص بلاش الاوتوبيس وحياة ابوك
عشان البهدلة و البدلة اللى انت سالفها اصلا ..مش عايزين العربى حوز ام بطة يرفع قضية على رئيس الجمهورية يطالبة فيها بتعويض عن البدلة اللى باظت
ها ............... لسة معايا ولا اغمن عليك
طيب
النهاردة اول يوم ليك فى الرئاسة
حضرتك عندك زيارة لدولة الهند........ لا سعادتك دى مش جمب جمسة خالص . . لا ولا كفر الشيخ ..... لا سعادتك دى دولة برة مصر .. يعنى هتركب طيارة و تسافر. .... يعنى اية مقولتش للحاجة انك مسافر ... يا عم حلة محشى اية بس اللى هتخليها تعملهالك ملكش دعوة انت بالاكل هناك هتاكل متخافش ..المهم
انت هتسافر و هتقابل رئيس الهند و هتبحث معاة سبل تعميق النعاون الاقتصادى و الاستثمارى بين البلدين
و كمان هتتناقشوا فى عدد من القضايا الدولية والاقليمية الثنائية ذات الاهتمام المشترك خاصة قضايا الازمة المالية العالمية الراهنة و توسيع مجموعة الدول الصناعية الكبرى و اصلاح الامم المتحدة و مشاكل ازمة الغذاء العالمى و تغيير الناخ و عملية السلام فى الشرق الاوسط و القضية الفلسطينية و الاوضاع فى العراق و السودان و على الساحة الافريقية
.
.
ولا ..... رايح فين ..... تعالى هنا ....... انتا يااااااااااد
.
يا ريس .............
الريس جرى ! ! ! !
طب مين هيسافر الهند و يقابل الرئيس الهندى
مين هيناقش الراجل فى الحاجات دى كلها
حد طب عايز يتبرع و يبقى رئيس حمهورية
هو بس هيقابل الرئيس الهندى و يناقشة فى الحاجات اللى فوق دى
و بعد ما يرجع هيحاول يوفر العيش لاكتر من 80 مليون بنى ادم . و يوفر فرص عمل ل 20 مليون شاب عاطل . ويحل مشكلة العشوائيات و مينساش بالمرة يحل ازمة الاسكان . و ارتفاع الاسعار وازمة ضعف الانتاجية و الاجور وو الاختلالات الكبيرة فى التدريب و سوق العمل
و يخلى التعليم فى مصر لية لازمة مش مجرد شهادة و خلاص
بس كدة
و على من يجد نفسة مؤهلا للقيام بمتطلبات هذة الوظيفة البسيطة التقدم باوراقة للشعب و هم هيوافقو على طول
ملكش دعوة انت بس
قدم و سيبها على اللة
ههههههههههههههههههههههههههههههههه
يا عم انت حتدفع حاجة من جيبك
الحلم ده على حسابى
غمض عينيك شوية واحلم انك بقيت رئيس البلاد
متقولش ازاى .. مش مهم
زورت الانتخابات ... او قلت للناس انتخبونى احسن ارمى نفسى من فوق البرج فصعبت عليهم قاموا انتخبوك .. او يكون لك واحد صاحبك امريكاوى بتكلمه على الياهوو وقال لاوباما انك ولد مجدع ورجولة وكفاءة وانك من بتوع العولمة والعوالم والنظام العالمى الجديد لنج .. ... فوافق انك تقعد على ... الكرسى
المهم انك بقيت دلوقتى رئيس البلاد
مين قدك يا عم
حتاكل طعمية مقلية بزيت فرنساوى وربنا حيتوب عليك من طعمية عبدة تلوث المقلية بزيت العربيات
وحتتعالج من انيميا الفول .. الفول الجديد بقه يا عم من غير سوس
وابقى قابلنى لو لقيت اى مسمار فى العيش ... حتاكل عيش من ابو الرغيف بربع جنيه ... سخن وطازة وطرى .. تخيل .. طرى مش زى العيش اللى انت كنت بتاكله وانت بتشرب كباية ميه ورا كل لقمة علشان تنزل
لا لا مش العيش ابو شلن ده اللى انت كنت بتجيبه من الفرن وعقبال متوصل بيه البيت يسلجم ويقفع ... وتعاقب عليه دوليا لأنه اصبح من اسلحة الدمار الشامل ... لا انسى الكلام ده خالص
الاوضاع حتتغير خالص ياعم ... دا انت ربنا حيكرمك خالص والله العظيم
طب بص دى ... حتاكل لحمة... طب والله لحمة .. متبرقش اوى كدة ... مش عارف يعنى ايه لحمة
(هم هيقولولك )
وبعدين انته مش كنت بتسمع وانت قاعد على القهوة وحاطط رجل على رجل وصباعك طالع من الجزمة انهم حيستوردوا حاجة كدة من السودان واثيوبيا
آه فاكر
اهى هى دى اللحمة
لا لا مش اللى انته كنت بتاكلها فى العيد ، بتاعت العيد دى اسمها كرشة ... متفضحناش بقه الله يسترك
وحيبقى فيه كنتاكى .. متسألش .. دى فراخ يعنى حتودع عم لطفى الفرارجى اللى كان بيعين لك رجلين الفراخ وانت كنت بتقول له عشان الكلب وكان ساعات يفوت لك حتتين قنصة على حتتين كبدة من بتوع الزباين اللى بيستحموا بصابون اجنبى
وحتشرب السيجارة كلها مرة واحدة .. يعنى مفيش تخميس
وبعدين دى سجاير ستراكى سترايك من بتاعت الست مارى منيب .. جو تانى
طب خد عندك دى كمان .....
في احتمال انك .........
انك...... ...... . . . . . .
تركب عربية
بجد واللة ....مش مصدق .... دة انا مش عايز اقولك انك لو اثبت كفاءة فى الشغلانة دى ممكن العربية دى تبقى بتاعتك كمان ..... واللة ممكن بس انت ادعى
بس لما يخدوك علشان تحلف اليمين
ياعم دا غير يمين الطلاق اللى انته مصدره فى كل حدوتة تحكيها
اصحى معايا الله يكرمك
لما تروح تحلف اليمين اوعى تروح بالبدلة بتاعت جوازك .. انت عارف ... دى بقت مكيفة الهواء من كل ناحية .. العربى جوز ام بطة عنده بدلة اخوه باعتهالو من بلاد بره ابقى استلفها منه وإقضى مصلحتك وبعدين رجعهاله ... ماهى الجيران لبعضها امال ايه
و و انت رايح معلش تعالى على نفسك و حاول تركب ميكروباص بلاش الاوتوبيس وحياة ابوك
عشان البهدلة و البدلة اللى انت سالفها اصلا ..مش عايزين العربى حوز ام بطة يرفع قضية على رئيس الجمهورية يطالبة فيها بتعويض عن البدلة اللى باظت
ها ............... لسة معايا ولا اغمن عليك
طيب
النهاردة اول يوم ليك فى الرئاسة
حضرتك عندك زيارة لدولة الهند........ لا سعادتك دى مش جمب جمسة خالص . . لا ولا كفر الشيخ ..... لا سعادتك دى دولة برة مصر .. يعنى هتركب طيارة و تسافر. .... يعنى اية مقولتش للحاجة انك مسافر ... يا عم حلة محشى اية بس اللى هتخليها تعملهالك ملكش دعوة انت بالاكل هناك هتاكل متخافش ..المهم
انت هتسافر و هتقابل رئيس الهند و هتبحث معاة سبل تعميق النعاون الاقتصادى و الاستثمارى بين البلدين
و كمان هتتناقشوا فى عدد من القضايا الدولية والاقليمية الثنائية ذات الاهتمام المشترك خاصة قضايا الازمة المالية العالمية الراهنة و توسيع مجموعة الدول الصناعية الكبرى و اصلاح الامم المتحدة و مشاكل ازمة الغذاء العالمى و تغيير الناخ و عملية السلام فى الشرق الاوسط و القضية الفلسطينية و الاوضاع فى العراق و السودان و على الساحة الافريقية
.
.
ولا ..... رايح فين ..... تعالى هنا ....... انتا يااااااااااد
.
يا ريس .............
الريس جرى ! ! ! !
طب مين هيسافر الهند و يقابل الرئيس الهندى
مين هيناقش الراجل فى الحاجات دى كلها
حد طب عايز يتبرع و يبقى رئيس حمهورية
هو بس هيقابل الرئيس الهندى و يناقشة فى الحاجات اللى فوق دى
و بعد ما يرجع هيحاول يوفر العيش لاكتر من 80 مليون بنى ادم . و يوفر فرص عمل ل 20 مليون شاب عاطل . ويحل مشكلة العشوائيات و مينساش بالمرة يحل ازمة الاسكان . و ارتفاع الاسعار وازمة ضعف الانتاجية و الاجور وو الاختلالات الكبيرة فى التدريب و سوق العمل
و يخلى التعليم فى مصر لية لازمة مش مجرد شهادة و خلاص
بس كدة
و على من يجد نفسة مؤهلا للقيام بمتطلبات هذة الوظيفة البسيطة التقدم باوراقة للشعب و هم هيوافقو على طول
ملكش دعوة انت بس
قدم و سيبها على اللة
ههههههههههههههههههههههههههههههههه
