من طرف ameer 01/01/09, 12:10 pmالخيانه الزوجيه
كل عام وأنتم بخير
كثير من النساء يتسائلن لماذا يخون الرجل
من خلال بحثي عن أسباب الخيانة الزوجية وجدت حوالي 145 سبب وجيه
بعضها لاأقدر علي ذكره في هذا المنتدي
إليكم عينة بسيطة من هذه الأسباب لعلكم تجدوها مقبوله ومنطقيه
الخيانه هواية عند الرجال مثل الشوبنج عند الستات.
الست دايما تتهم الرجل إنه خاين , فبيضطر يخون لأنه واخد اللقب سواء خاين ولا مستقيم.
الراجل بيخون لأنه لاكرامة لنبي في وطنه وزامر الحي لايطرب.
الراجل بيخون لأنه زي الشجره ميعرفش يشيل عصفوره واحده.
الراجل بيخون لإن الستات عامة بتحب الراجل الندل الواطي ولذلك فهو يجتهد إنه يخليها تحبه
الراجل بيخون لأن مراته دايما تتهمه إنه قاعد في البيت مبيعملش حاجه.
الراجل بيخون لأن مراته بترفض تآخد دش معاه وكتيرمن الأحيان مش بتآخد دش من أصله.
الراجل بيخون لما يسمع إن مراته هتتطلب الطلاق ,فبيحاول أن يساعدها علي الحسم وسرعة إتخاذ القرار
الراجل بيخون مراته علشان بيحاول يتعلم حاجات جديده تنفعهم هما الإتنين.
الراجل بيخون علشان كان فاكر إنه إتجوز واحده زي أمه وبعدين لقاها ابتدت تلبس في البيت ترينجات زي اللي كان ابوه بيلبسها في البيت.
الراجل بيخون علشان بيسمع مراته بتقول هخس ...هخس..هخس ومش بيحصل إلا العكس..بتتخن ..بتتخن ..بتتخن.
الراجل بيخون لأنه بعد كام سنه بيلاقي مراته بدأت تلبس حاجات من اللي كان بيشوفها علي حبل الغسيل بتاع جدته الله يرحمها.
الراجل بيخون علشان عشيقته لما بترقص بترجع له ثقته في نفسه إنما مراته لما بترقص بتخليه يفصل من الضحك.
الراجل بيخون مراته بدل ماحد تاني يخونها.
الراجل بيخون مراته علشان كان بيخونها قبل الزواج ..إيه اللي يخليه يتغير بعد الزواج ..لاجديد
وأخيراَ الراجل بيخون مراته علشان عارف إنها بتحبه وهتسامحه في الآخر
دي بعض الأسباب ولدي الكثير أمتنعت عن نشرها علشان الرقابه
تحياتي
